The time you say I love you
Sa tan-aw ko kang Cliff, mapugsanon siya. Iya gyung gipasabot nako nga true love ang iyang gibati nako. Naglisod na ko sa pagbalibad niya kay ang akong kasingkasing nagpitik gyud sa usa ka gugma, gugma ngadto kang Cliff.
Mikupot na sab si Cliff sa akong kamot nga gipatong ko sa ibabaw sa lamesa. Nakatan-aw ko kang Cliff. Wa ko na kuhaa ang akong kamot nga iyang gikuptan. Dugay ming nagkatinan-away.
“Please, Ron, ayaw ko pakyasa.”
Sa tingog ni Cliff, klaro nga nagpakiluoy siya. Bisan ang iyang tinan-awan nako, klaro nga nagpakiluoy siya.
Miginhawa kog lawom. Di ko na gyud kapugngan ang gibati ko kang Cliff.
“S-Sige. Pero kon di ka motuman sa imong gisaad nako, magbuwag dayon ta, ha?” Puwerteng lipaya ni Cliff. “You mean, love sab ko nimo, Ron?” “Unsa pa man diay. Oo, I
love you, too, Cliff.” Mitindog si Cliff. Iyang gibira ang iyang gilingkoran ug mitupad siya nako. Iya kong gigakos.
“Salamat, Ron, nga misalig ka nako. Di tika pasakitan. Promise” Gikusi kog hinay ang kilid ni Cliff. Sa unang higayon, nagmalipayon ko, anang kalipay nga naggikan gyud sa akong kasingksing. Sa hilom, nag-ampo ko nga tumanon ni Cliff ang iyang gipanumpa nga mag-usab na siya kon akong sugton.
Pagka ugma, gisultihan ko si Maggie sa tanan.
“Nalipay ko, Rona, nga wa mapunta sa laing girl ang laki nga gimahal gyud nako.”
Nagpahiyom si Maggie apan sa iyang mga mata, klaro nga naguol siya. Wa koy tingog nga migakos sa akong bestfriend.
“Laoman ko ang imong kalipay, Ron.” “Salamat, Mags.” Unya mibiya na si Maggie nako. Nagtalikod man tuod siya nako apan nasabtan nako nga naghilak siya. Nagpamahid siya sa iyang mga mata sa gikuptan niyang panyo. Naluoy ko kang Maggie Apan di ko kapugngan ang pinitik sa akong kasingkasing.
Nanglabay ang daghang mga adlaw. Ug namatikdan nako nga nag-usab gyud si Cliff. Kanunay na siyang mosulod sa iyang mga klase. Naglikay na sab siya sa iyang mga barkada. Ug nasayran ko nga misulod sa monasteryo si Maggie. Nagmadre siya.
Sa hilom, nag-ampo ko nga magmalipayon na ang akong
bestfriend sa iyang nahimutangan. (KATAPUSAN)