BISAYANG PELIKULA NABUHI SA PATAYNASIHESUS
Ang 2016 Cannes International Film Festival Best Actress, Jaclyn Jose, ang nangulo sa cast sa black comedy ug Cebuano film nga “Patay na si Hesus” sa T-Rex Entertainment Productions nga gipasidunggan og Audience Choice and Gender Sensitivity awards dihang nag-premiere sila sa QCinema International Film Festival. Garbo nga gipailaila sa maong pelikula ang mga Bisayang artista nga silang Chai Fonacier (kaubang scholar niadto ni Yeng Constantino sa Pinoy Dream Academy sa ABS-CBN), Melde Montanez (unang naila isip cinematographer sa mga corporate commercial), ug Vincent Viado (kinsa gidayeg sa iyang papel nga dunay down syndrome). Ang Patay na si Hesus gitakdang isalida sa unang Pista ng Pelikulang Pilipino sugod karong Agusto 16. Melde ug Chai, Ssssuper Ka! MELDE MONTANEZ: Ang premise sa story kay road trip siya from Cebu to Dumaguete. Si Hesus dinhi ang among papa nga namatay sa Dumaguete. Ang among trip is to pay our last respect sa among papa. And along the way diha nituyok ang estorya. CHAI FONACIER: Pero di gyud mi ganahan moadto, gipugos ra mi kay since birth gibiyaan man mi sa among papa.
Unsay inyong papel?
MELDE: Managsuon ming tulo. Among mama si Ms. Jaclyn Jose. Akoy kinamanghurang anak ug maorag “bum” sa pamilya, wala kapasar sa board exam, maorag wala pay direksyon sa life ang akong character. Ang among kinamaguwangan si Kuya Vincent Viado. Nagtuo ang among mama nga si Kuya Vincent ang maghatag niya og labad sa ulo pero dili diay.
CHAI: I also play as one of the siblings nga
transgender man. Nag-research ko and observe enough people so I can give justice.
Unsay language gigamit ninyo? MELDE: Bisaya ug tagalog.
CHAI: Si Jaclyn magBisaya sad usahay kay amo man siyang gitudloan.
Unsa kadugay ninyo gi-shoot ang movie? MELDE: Mga 10 to 12 days.
CHAI: But we had a week nga nag-break mi kay we had to adjust sa schedule ni Jaclyn. Bale, five days we shoot here in Cebu and the rest on the road na mi together.
Giunsa pagpili sa cast?
MELDE: Gipa-audition ko ni Direk Victor Villanueva. Then, gipabalik ko the next day kami ni Chai Fonacier for the screen test. Last minute na ko kahibawo nga it’s a movie with Jaclyn Jose. Ang akong reaction, “sure mo makaya ni nako?”
Kumusta ang inyong first encounter with Jaclyn?
CHAI: At first, initimidating siya. Pag-shooting namo mao tong time pa gyud nidaug siya nga best actress sa Cannes International Film Festival.
Unsay first scene ninyo ni Jaclyn?
CHAI: Kadtong naa mi sa kitchen. We have to act like close mi, anak mi. But unsaon man ni nato? Maorag naglisud mi og estorya niya kay mauwaw pa lagi mi. Ang among peg na lang ato, sige atong obserbaran ang iyang acting. Mga anak man ta niya, so naliwat ta niya. Eventually, throughout the shoot, nawala ra ang uwaw. Unsay heavy scene ninyo with Jaclyn? MELDE: Katong part nga gisagpa ko niya. Mao to’y akong gikahadlokan. CHAI: Tinuod gyud siya nga sagpa, as in. MELDE: Giingnan man gud siya sa crew nga tig-training ko og martial arts, mao tingaling confident kaayo siyang sagpaon ko. Maorag dili to maayo nga kahibawo siya. Hahaha…
CHAI: Wa koy heavy scene with her. Pero katong sa pier, where we have to wait for the boat to leave and we only had a few takes to do it. Stressful to nga lingaw.
Naa moy hilak-hilak ni Jaclyn?
MELDE: Naa mi crying scene. As a first timer, I was thinking asa ko mokuha og hugot aron makahilak. Pero pagkakita nako nga nihilak na siya ug iya kong gikuptan, hala makatakod.
CHAI: Maayo kaayo si Jaclyn mo-affect og other people, mada gyud ka.
Unsa pa’y ma-expect namo sa movie?
MELDE: Unorthodox siya nga family kay ang dili gani ipakita sa usual nga salida sa family anhi nimo makita. Mga cursing… Hopefully, masundan pa ni kay I heard, the film is a trilogy daw, so the next two films are still in Cebuano.
CHAI: Lingaw siya, nindot ang reaction sa audience sa Frameline Festival sa San Francisco nga nakakita sa salida. Since 2007, daghan kaayo tang Cebuano films nga nindot, nakaabot na lang ko og China, Thailand, United States, pero kita intawon wa gihapon ta kita, kanang ingon ana bitaw, it’s really sad. I hope more Cebuano films nga ma-screen pud sa VisMin areas kay Manila ra intawon ang nakakita. /