Angkas nga habal-habal dakpon

Gihulagway ni Land Transportation Franchising and Regulatory Board Chairman Martin Delgra III nga dili viable ang motorsiklo nga himuong pampublikong transportasyon subay niining gihimo sa Angkas diin gihimong appbased ang pagsakay og habal-habal.

Nimando usab si Delgra sa LTFRB 7 nga susihon kining Angkas sa Sugbo tungod ug posible nga maghimo sila og operasyon sa pagpanakop niini.

Si Delgra nipasabot nga dili luwas ang motorsiklo sa pasahero hinungdan nga dili kini angay nga mamahimong pampubliko nga transportasyon. Dugang niini nga wala’y accreditation ang Angkas bisan paman og nag- operate kini sila sa Sugbo ug maisip kini sila nga ilegal.

Gibutyag usab niini nga sa kaulohan, nakadawat na sila og taho kabahin niining aksidente nga may kalambigitan sa Angkas. Gikataho nga kapin sa gatos na ang miyembro sa Angkas sa Sugbo.