Organic Agriculture Summit sa Capitol
Sa labing unang higayon, gipahigayon sa Kapitolyo ang Organic Agriculture Summit, nga gitambungan sa mga mag-uuma gikan sa nagkadaiyang dapit sa probinsiya sa Sugbo.
Gituki sa summit ang mga isyu ug concern labot sa organic agriculture, ilabi na ang koneksiyon niini sa panlawas sa mga konsumidor.
Moabot sa 330 ka mga mag-uuma gikan sa nagkadaiyang dapit sa probinsiya ang nitambong sa labing una nga Organic Agriculture Summit, nga gipasiugdahan sa Provincial Agriculture Office.
Gituki dinhi ang mga isyu nga may kalabutan sa organic agriculture o ang dili na pagamit ug mga kemikal sa pagpanguma ug bisan sa poultry ug livestock.
Matod ni Provincial agriculturist Roldan Saragena, importante nga mapalapdan ang kahibalo sa mga mag-uuma labot sa organic agriculture sanglit duna man usab kini dautang epekto sa panlawas sa mga konsumidor.
Dugang niya, taas karon ang demand alang sa mga natural ug non-genetically modified nga mga abot merkado.