Sakyanan wa makawat kay ang tag-iya nag-sex sa sud

Adunay usa ka video nga nitumaw nga nakurat ang kawatan og sakyanan human sa iyang pag-abli sa pultahan niini.

Gihimong kataw-anan sa Internet ang video nga giulohan og “Three people in this video are caught in the act” nga nahitabo didto sa Wu’an City, China.

Ang kawatan napakyas sa iyang gibuhat sa dihang giablihan niya ang pultahan sa usa ka sakyanan nga maoy iyang gipunterya nga kawatan kay nakit-an niya ang tag-iya niini nga nga nakipaghilawas sa sud.

Nakita sa video ang nahibung nga tag-iya nga migawas samtang nagtarung sa iyang karsones.

Wala siya makadakop sa lalaki nga nisuway og kawat sa sakyanan mao nga nangayu sila sa CCTV footage aron mahatag kini sa lokal nga pulis nga miingon nga ang kawatan mikuha lang og tulo ka segundo aron pagpugos sa pag-abli sa pultahan.

“Had I not been there, my car would definitely have been stolen,” matod sa tag-iya sa sakyanan nga gikutlo sa taho sa Mirror News.

Wa siya motubag mahitungod sa iyang gibuhat sud sa sakyanan dihang nasakpan siya o gisaysay kun ngano nga ang sakyanan nag-uyog sa wa pa giablihan sa kawatan ang pultahan niini. /