Drug courier

Ang pagda o pagtunol sa drugas ngadto sa pumapalit o tiggamit o ni bisan kinsa maoy labing importanteng bahin sa illegal drug trade. Sa maong hugna matapos ang akto sa pinalitay sa drugas.

Kini nagpasabot nga ang tigda o tighatod (courier) kabahin sa illegal drug trade. Di siya kapangulipas nga wa siya labot sa maong supak-sa balaod nga negusiyo. Kauban sa drug lord o pusher mabilanggo siya. May mga Filipino drug courier nga nasakpan didto sa China, Indonesia ug sa middle east nga nangabilanggo. Kay usa man ka haguka nga katarungan nga wa siya mahibawo nga drugas diay ang gipada sa higala o kadugo.

Apan ang pait kaayo palandungon mao ang paggamit sa mga menor de edad isip courier sa mga drug lord ug pusher sa ilang negusiyo kay di man mabilanggog krimen suma sa balaod kon masakpan.

Apan mataral gihapon sa hukmanan kon may sertipiko gikan sa DSWD nga ang maong menor de edad acts

with discerment (nahibawo sa iyang gibuhat} nga supak sa balaod ang iyang gihimo.

Dali ra man tawon mahaylo sa salapi ang menor de edad. Matod pa sa menor de edad nga nasakpan didto sa Consolacion sa miaging adlaw (napug usa silang nahipos} nga P700-P1,000 ang iyang masapi matag adlaw.

Ang pangidaron sa nahipos nga mga menor de edad nga

courier gikan sa 7 hangtod 14 anyos. Gigamit sila sa usa ka

high-level pusher nga nagtrabaho sa munisipyo sa Consolacion. Mao na kiniy modus sa mga

drug lord ug pusher ang paggamit sa mga menor de edad nga tighatod kay di dayon madudahan sa mga awtoridad nga nalambigit sila sa negusiyo sa drugas.

Kon suhiron pag-ayo di kay sa Consolacion ra ang naghitak sa mga menor de edad nga drug courier. Kining lindog nagtuo nga naa kini sa tanang lungsod nga may drug

trade nga naglihok. Klaro nga aggravating circumstance kini/ng paggamit sa mga menor de edad isip

courier sa krimen sa mga drug lord ug pusher. Mahimong mabilanggo ang menor de edad nga courier apan ang klaro mao nga nawatas-watas na ang ilang kaugmaon.