SWU-HS batch 1987 mopahigayon sa 30th anniversary karong Agusto 5

Mopahigayon ang Southwestern University (SWU) high school batch 1987 sa ika-30 ka mga tuig niining anibersaryo karong Agusto 5 sa Gazebo area sa Apple One, Banawa Heights, dakbayan sa Sugbo.

Ang tanang batchmates giawhag sa pagtunga una sa Aznar Coliseum sa alas 4:00 sa hapon aron bisitahon ang kanhi high school building sa tunghaan ug alang sa usa ka picture taking.

Human niini, ang grupo moderetso sa Apple One alang sa thanksgiving mass sa alas 5:00 sa hapon dayon mosunod ang panihapon ug usa ka programa.

Gikan sa Apple One, mobalhin ang grupo sa Open Mic Acoustic Lounge aron ipadayon ang selebrasyon.

Alang sa dugang mga impormasyon, mahimong motawag kang Abet Alberca sa 0905-5691124.

Mahimo sab sa mo-logon sa Facebook account sa grupo nga SWU Batch '87. ESL