TANGKAY MIAGAK SA SG-ARQ SQUAD
Mga duwa karon: 7:00 pm. - SG-ARQ vs. Aspa 8:30 pm. - Gullas vs. San Remegio
Mipabuto og duha ka tres ang beteranong si Jojo Tangkay sulod sa nahabiling dos minutos sa fourth
quarter nga maoy nahimong yawe sa ikatulong sunodsunod nga kadaugan sa SG-ARQ Builders, 102111, batok sa Fighter Wine sa nagpadayon nga 10th Emil’s Fresh Chicken Fiesta Cup sa Minglanilla Sports Complex.
Permi man tuod nga naglabaw ang Builders ni coach Marvin Caro sa third quarter apan ang panagkumboya nila ni Jayford Rodriguez, kinsa mitapos sa duwa nga may 33 puntos, ug Joseph Nalos nga may 20 puntos, ang Fighter Wine mipabuhagay og 10-2 nga rally nga naghatag og dakong hudlat sa SG-ARQ.
Sa sayo pa, ang San Remegio Properties mirehistro usab sa ilang ikaduhang daog pinaagi sa paglumpag sa Aspa Formworks and Scaffoldings, 92-87.
Ang Sugboanong sakop sa Philippine Team nga si Paul Desiderio nangulo sa San Remegio nga may 19 puntos, 15 usab ang nakulit ni Adrian Lao ug 12 ang kang Harold Cincoflores.
Subay ninii, gikasagmuyo sa organizers ug sa mga team
owners ang kalit nga pag- backout sa Riss Lending/Eagles Express sa torneyo human sa duha ka kapildihan niini.
Kini maoy unang higayon nga nahitabo sa tinuig nga
tournament nga gituyo isip usa sa mga kalihukan sa naghinangat nga kapistayan sa baranga Linao-Lipata sa maong lungsod.
Way klaro kon unsa gyud ang tinud-anay nga rason sa ilang pag-witdraw. Ang text
message ni Jojie Espina, nagpailang manager sa maong
team, iyang gitumbok ang usa ka tawag sa referee nga wala nila mauyoni ug nakapasagmuyo kanila.
Apan mitumbok usab siyag laing rason nga natagak na usab sila ug wala nay chance nga makasulod sa sunod round. Dugang niyang rason mao nga ang mga dagko nilang player wala na pabalika kay way klaro ang dinuwa-an
Kini nakahatag og lainlaing reaksyon sa mga team-owners ug representatives sa tournament. “Kon moapil gani ta og lega, committed na ta ana. Naa tay
commitment bisan og kapila na ta mapildi. Kami bisan og wa na mi purohan amo gyung tiwason ang liga,” matod pa sa usa ka team owner.
Niini nagtuo ang organizer nga kini magsilbing leksiyon dili lang ngadto kanila kon dili sa uban usab nga mga tigpasiugda og tournament. Gawas nga makahatag kini og bating imahe sa kompaniya, wala na usay interesado nga mo-imbitar sa maong team.
Sa samang higayon, mapasalamaton ang organizer sa mga teamowners nga padayon nga nagsuporta sa lega. First Game: San Remegio (92) - Desiderio 19, Lao 15, Cincoflores 12, Olivares 11, Dimco 9, Taboada 8, Colonia 6, Graf 6, Aguirre 2, Auditor 2, Regalado 2
Aspa (87) - Castro 21, Linao 16, Codilla 13, Dablo 12, Ponce 11, Canete 10, Dela Rama 4. Second Game: SG-ARQ (111) - Tangkay 19, Lusdoc 16, Calo 14, Mondragon 13, Juntilla 12, Ababon 11, Abad 10, Berame 10, Cainglet 6
Fighter Wine (102) - Rodriguez 33, Nalos 20, Brigondo 11, Aying 11, Yap 8, Escobindo 8, Abapo 5, Garcia 2, Galinato 2.