Beermen batok Katropa
Mga duwa karon 4:15 pm- Kia batok Ginebra 7:00 pm- San Miguel batok Talk N’ Text
Magkrus ang dalan sa mga inilog nga San Miguel Beermen ug Talk N’ Text KaTropa sa main event karong gabii sa Philippine Basketball Association (PBA) Governor’s Cup sa Araneta Coliseum.
Ang duha ka mga kampo, nga maoy nagkontra sa finals sa miaging Commissoner’s Cup, plos nasubhan og dagkong kadaugan sa tagsatagsa nila ka premirong duwa.
Ang Beermen ninghubog sa Blackwater Elite, 118-93, samtang ang KaTropa ningkampornas sa Kia Picanto, 106-96.
Mao kini ang katapusang duwa nga mapahimuslan sa duha ka mga kampo ang pipila sa ilang mga sinaligan una kini nila ipahuwam sa Gilas Pilipinas alang sa FIBA Asia Cup karong Agusto 8-20 sa Beirut, Lebanon.
Gipangtumbok mao sila si JuneMar Fajardo sa Beermen ug sila si Jason Castro ug RR Pogoy sa KaTropa.
Ang Beermen, nga nagtinguhang makabaton og laing Grandslam title, mosalig og insakto sa ilang import nga si Wendell McKines samtang ang KaTropa kang Mike Craig.
Sa premiro nilang duwa, si McKines nipakatap og 19 puntos ug 12 rebounds samtang si Craig nimugna nimugna og triple-double nga 21 puntos, 13 rebounds ug 12 assists.
“I think this is our best start (coming off a championship). I’m proud of my players, despite the long break, yung iba extended pa, makikita mo pa rin na sharp sila,” asoy ni SMB coach Leo Austria.
“To be honest, we didn’t know what to expect as we prioritized rest (after the Commissioner’s Cup finals). We made sure we gave our players a needed rest. We didn’t have any tune-wwup game for this conference,” asoy ni TNT coach Racela.
Sa premirong duwa, makigsangka ang Brgy. Ginebra Gin Kings batok sa Picanto.
Ang Gin Kings adunay 1-1 nga rekord samtang ang Picanto adunay 0-3 nga baraha.