Sunsport registration nagpadayon
Aron paghatag og igong kahigayonan sa uban, nagpadayon ang pagpanawat sa mga gustong magparehistro sa Sunsport Basketball Training Camp nga ipahigayon diha sa Sacred Heart Center Sports Club sa dalan D. Jakosalem, dakbayan sa Sugbo.
Kini maoy gipahibawo ni Jojo Romarate kinsa maoy training director sa naila nang basketball clinic sa dakbayan.
Ang registration fee nagkantidad og P1,200 diin libre na niini ang jersey ug bola.
Ang session sa maong training camp nga gitumong alang sa mga nagpangidaron og 7 anyos ngadto sa 19 anyos himuon matag Dominggo gikan sa alas 10 hangtod sa alas 12 sa udto.
Alang sa interesado mahimong motawag sa telepono 345-1015 o sa mobile number 0923-869-7421 o sa 0929-1219373.