Batan-ong Gilas gold ang tirada sa SEAG

Malaumon ang batan-ong puwersa sa Gilas Pilipinas nga makalabni og gold medal sa Southeast Asian Games nga ipahigayon karong Agusto 19-30 sa Kuala Lumpur, Malaysia.

“I don’t like to expect anything...I just can’t wait for Malaysia. Hopefully we win a medal,” matod sa usa sa mga pambato sa national team nga si Kobe Paras sa interbyu sa Spin.ph.

Si Kiefer Ravena nanghinaot nga makabawi sila sa dili maayo nilang kampanya sa miaging Jones Cup diin igo lang silang nahiluna sa ikaupat nga dapit dala ang 6-3 nga rekord.

“Yung 6-3 record namin is not really a reflection of how our team played and how we wanted to win so bad for the country and for each other,” pasabot ni Ravena. “Hopefully this team can just move forward together...bibigay namin yung best namin for each and every one of you guys.” Dili pa lang dugay, gibutyag ni national coach Chot Reyes ang 12-man lineup sa batan-ong Gilas. Gawas nila ni Paras ug Ravena, ang ubang mga sakop sa team mao sila si Mike Tolomia, Kevin Ferrer, Von Pessumal, Almond Vosotros, Raymar Jose, Ray Parks, Baser Amer, Troy Rosario. Filipino-German Christian Standhardinger ug Carl Bryan Cruz.