Peter Lim andam moatubang sa DOJ, mihimakak mitago
Sugboanong negusyante nga si Peter Lim nihulagway sa pamahayag sa usa ka Marcelo Adolfo batok kaniya nga usa ka dakong bakak ug minamao-mao ang pamahayag sukad sa sinugdan.
Sa usa ka telephone interview sa Sun.Star Cebu, si Lim nanghimakak nga siya nagtago-tago ug gani andam na siyang moadto sa Department of Justice (DOJ) alang sa imbestigasyon karong Agusto 14, 2017.
Naglibog si Lim kon nganong ang mga awtoridad naghimo og wa kinahanglanang media propaganda kay ang subpoena mahimo rang dawaton sa iyang staff, di sama sa usa ka warrant nga nagkinahanglan sa iyang presensya. “The question is: Will I attend the DOJ hearing? My answer is: I will definitely attend the hearing because it’s easy to answer a brazen lie and a fabricated testimony,” nagkanayon si Lim. Iyang giawhag ang Cebu media sa pag-review sa mga mantala sa nasudnong mga pamantalaan, diin si Adolfo nisaksi usab sa kapulisan nga sila si Lim, Kerwin Espinosa ug Adolfo nagtagbo sa Thailand.
“I told Cebu media when they sought my comment that I was happy because of Adolfo’s revelation that we’ve met in Thailand because that is the proof of the greatest lie on earth. The government will know that I never went to Thailand,” nagkanayon si Lim.
Siya nidugang nga iya usab nga giawhag ang Bureau of Immigration (BI) ug Department of Foreign Affairs (DFA) sa pag-imbestigar sa pangangkon ni Adolfo aron sila masayod nga wa siya niadto sa Thailand.
“There was no investigation on that alleged Thailand meeting. And now, they are transferring the fabricated venue to Makati? I repeat, that is a lie,” dugang ni Lim.
PERSONAL
Samtang ang Criminal Investigation and Detection Group-7 mosiguro nga madawat ni Lim ang subpoena sa Department of Justice pinaagi sa pag-adto sa iyang opisina aron dili maka-alibi nga wa niya kini madawat.
Giangkon sa regional chief sa CIDG-7, Supt. Royina Garma, nga ikatulo na nila ka higayon ang pag silbe sa subpoena gikan sa DOJ apan niadtong miaging adlaw lang gidawat sa gwardya ang summon.
Matod ni Garma nga niadtong miaging semana didto ang iyang mga sakop sa panimay ni Lim maka duha ka higayon sa Tres Borces Extension barangay Mabolo apan wa ablihi ang gate.
Apan bisan pa man nga gidawat sa gwardya ni Lim ang subpoena ipasiguro niya nga madawat niini ang maong suwat aron di na kini makarason nga wa siya pangitaa sa kapulisan.