PETER LIM NAHADLOK
SA SEGURIDAD NIYA, PAMILYA SUKAD GILAMBIGIT SA DRUGS
Nahadlok sa iyang kinabuhi ang Sugbuanong negosyante nga si Peter Lim sa dihang niatubang sa mga sakop sa Cebu eedia sa iyang buhatan sa Hilton Motors sa Brgy. Subangdaku, dakbayan sa Mandaue pasado alas 3 kagahapon.
“Yes, I am. I am scared about my life because of the false accusation. People might think this is true. And it’s not true. I’ve never been in that business and I will never be in that business,” tubag ni Lim sa mga tigbalita.
Kagahapon, ang mga sakop sa media gi-imbitar sa kampo ni Lim sa iyang buhatan sa
iyang negosyo sa Subangdaku aron ipakita ang buhatan ug pagmatuod nga way gitago ang negosyante.
Matod ni Atty. Alex Francis Lopez, legal counsel ni Lim, nga naglain ang lawas sa iyang kliyente apan bisan pa niini niatubang kini sa media pagmatuod nga wa kini magtago-tago.
Sumala pa ni Lim nga atubangon niya ang kaso nga gipasaka batok niya.
Malipayon siya niini tungod kay aduna siyay opotunidad nga malimpyo iyang pangan.
“I will] face the subpoena that was being sent by the DOJ to receive it and answer whatever allegation but I know it’s fabricated,” dugang pa niiya.
Sa pangutana kon mohangyo og police escort, si Lim niingon nga di pwede.
“No. I don’t think the police will give me police escort. Poor me, I cannot request for it. If I can, I will.”
Paambit sa negosyante nga dakong bakak ug minamaomao ang akusasyon ni Marcelo Adolfo batok niya nga siya nakigtagbo niini kuyog ni Kerwin Espinosa sa Thailand.
Ang legal counsel ni Lim nga sila si Lopez ug Atty. Miguel Gabionza nagkanayon nga ila pang kuhaon ang kopya sa reklamo ug mga supporting affidavit nga matod pa sa subpoena gihatod na sa iyang panimalay sayo ning semanaha.
Ilang giklaro ang kooperasyon
ni Lim sa mga sunod nga lakang sa imbestigasyon sa kaso.
Dugang pa nila nga nanghinaot ang ilang kliyente nga di una kini hukman sa publiko sanglit di sayon ma-akusahan ug krimen nga wa niya mabuhat. PAMILYA APEKTADO
Sa pamahayag sa anak ni Lim nga si Stephanie, kini niingon nga apektado sila sa pagtan-aw sa publiko nga ang ilang amahan “drug lord.”
“Our family has suffered so much from this horrible experience. Our children do not deserve to be called as “apo ng drug lord.” We also fear that our father will have to carry this stigma for the rest of his life,”