Unang youth congress sa Lapu-Lapu
Sa labing unang higayon ang dakbayan sa Lapu-Lapu mitapok sa mga youth lider ug sakop sa nagkadaiyang pundok sa gihimong Youth Congress kansang tumong nga mapangandaman sa mga kabataan ang ilang papel alang sa kalambuan sa siyudad.
Gipahibawo sab ni Lapu-Lapu City Mayor Paz Radaza nga sud ning buwana buhion pagbalik ang Junior Police Program sa matag tunghaan nga moabag sa pagpatunhay sa kahusay ug kalinaw sa matag tinun-an.
Ang kagamhanan sa LapuLapu uban sa Department of Interior and Local Government (DILG) ug Federation of Youth in
Lapu-Lapu City maoy nagpaluyo sa pag-umol sa Youth Congress nga gipahigayon sa Gaisano Mactan Island Mall Convention Center niadtong Hulyo 29.
“You are the VIPs (very important persons) of our city. Each one of you is important as the future of our city lies in you,” tipik sa pakigpulong sa
NAMULONG: Sa ubos nga hulagway, si Mayor Paz Radaza namulong sa atubangan sa iyang mga konstituwente sa Hoods Dome ug sa tuo nga hulagway, ang mayor sa Lapu-Lapu namulong atubangan sa mga batan-on sa Gaisano Mactan Mall Convention Center. / TAMPO NGA HULAGWAY mayor ngadto sa gibanabana 400 ka mga batan-on.
Buot masiguro ni Radaza nga andam ang kabataan ug puno sa kahibawo aron ila pang mapalambo ang siyudad sa higayon nga ila nang turno sa pagdumala.
Gipahibawo sa opisyal nga ang Lapu-Lapu nagsilbing paborito nga tourist destination sa nasud nga ubos sa brand name nga The Historic Resort City. / PR