GULLAS KAGING SA SRP
Gipakaging sa mga batanong San Remegio Properties (SPR) ang defending champion Samsam Gullas team pinaagi sa kulbahinam nga kadaugan, 106-104, sa katapusang adlaw sa elimination
round sa 10th Emil’s Fresh Chicken Fiesta Cup nga gipahigayon sa Minglanilla Sports Complex, sa lungsod sa Minglanilla. Sa kadaugan, ang San Remegio maoy misakmit sa no. 1 spot sa Bracket A nga may 3-2 nga baraha samtang ang Samsam team nga nahagsa sa
2-3 nga record nahilandig sa ikaduhang puwesto.
Mag-abot ang San Remegio ug ang Fighter Wine samtang ikaharong sa Gullas Team ang
powerhouse SG-ARQ Builders sa cross-over semifinals match nga giduwa kagabii.
Daw anaa na sa kamot sa Gullas team ang kadaugan human kini makaposte og 10092 nga labaw sa katapusang kuwatro minutos sa duwa.
Apan sa wala damha, ang San Remegio, pinaagi sa panagkumboya nila ni Ralp Olivares ug Paul Desiderio, kalit nga miarangkada ug mipahagsa kini og 6-0 nga rally nga nakapasikit sa duwa, 98-100.
Nainat man tuod og balik sa Samsam ang labaw, 10298, human sa short jumper ni Sanz apan ang pagpakigkumboya usab ni Alwyn Aguirre ngadto nila ni Olivares ug Desiderio sa himatyong mga segundos maoy nagtabla sa score, 104-104, 44 segundos ang nahabilin.
Human magtabla, 104-104, gisungog sa mga sipyat ug
turnovers ang matag habig apan sa katapusang segundos nakuha ni Desiderio ang bola ug sa way langan kini nga milusot alang sa iyang
buzzer-beating shot nga maoy nagselyo sa kadaugan.
Sa sayo pa, ang SG-ARQ Builders mikompleto pagharos sa ilang tanang duwa sa elims series human kini makaipsot sa pagpanghulga sa Aspa Formworks and Scaffoldings, 128-127.
Si Ferdinan Lusdoc mipahagsa og 26 puntos, Eman Calo 23, Rhino Berame 18 ug Reed Juntilla nga may 17 alang sa Builders samtang nangulo sa Aspa
mao sila sila si Castro, Dablo ug Arnold Quilaton nga may tag 28, 22, ug 19 matag usa kanila. Mga puntos: Unang duwa:
SG-ARQ (128) - Lusdoc 26, Calo 23, Berame 18, Juntilla 17, Ababon 15, Abad 10, Tangkay 7, Sereno 6, Mondragon 6.
Aspa (127) - Castro 28, Dablo 22, Quilaton 19, Anfone 15, Linao 11, Ponce 11, Filoteo 9, Codilla 7, Dela Rama 3, Canete 2. Ikaduhang duwa:
San Remegio (106) - Desiderio 25, Aguirre 18, Olivares 15, Dimco 12, Lao 10, Regalado 7, Arong 7, Cincoflores 5, Taboada 3, C. Cortes 2.
Samsam (104) - Poligrates 28, Dennis Daa 23, Sanz 15, Canson 12, Collado 7, Aguilar 7, Dela Cerna 6, Gahi 4, Delator 2. / JBM