Koryano natagak sa building patay
Patay na nga nadiskubrehan ang usa ka Korean national human matagak gikan sa lima ka andanang condominium sa Barangay Kasambagan, dakbayan sa Sugbo, pasado alas 12:00 sa miaging gabii.
Ang biktima mao si Euiyong Yoo, 40, minyo sa usa ka Pinay, high-end cellphone technician ug nagpuyo sa condominium sa naasoy nga dapit.
Sumala sa Homicide Section, may kaubang babaye ang biktima nga migawas sa lawak pasado alas 11 sa gabii ug nakita sa CCTV camera, nga ang biktima sama sa dunay nalimtan.
Gidudahan nga nasira ang lawask busa nisaka sa rooftop ug didto nagtuton padung sa lawak gamit ang electric wires apan natagak kini. Pagkabuntag, nakita na kini nga patay sa ubos sa condominium.