Bayot nanghikap og dughan

(Napatik sa Hulyo 27, 2017)

Usa ka 25-anyos nga lalaki apan binabaye og kasingkasing ang gibalhog sa selda sa Talomo Police Station human gihimas ang dughan sa taxi driver nga iyang nasakyan ug nag-masturbate pa. Gipaslak sa selda sa Talomo si Julius (bansagon gitago sa Superbalita), 25, taga Barangay Matina Aplaya, Talomo District ning siyudad human siya gireklamo sa taxi driver nga si Helario, 28. Gisaysay sa taxi driver nga dunay usa ka lalaki nga kauban si Julius dihang mipara ug misakay sa iyang gimaneho nga taxi sa dalang Bajada ning siyudad. Giingon nga nanaog sa dan Legaspi ang kauban ni Julius ug namulong kini nga mosunod lang ang driver sa iyang isulti nga direksyon. Dihang namatikdan sa driver nga nagbalik-balik lang sila sa ilang giagian, nangutana kini kun asa man magpahatud, apan kalit gihimas ang iyang dughan sa pasahero ug miingon nga, “langga, unya na bahhh... guwapo kaayo ka, lami kaayo imong dughan, padayon lang diha sa imong manubela, kay nalingaw pod ko diri.” Nakurat ang driver sa hitabo ug nagpaabot lang kini nga makahigayon nga makasumbong sa pulis. Una niini, samtang nagsigeg hatag og direksyon ang binabaye, namatikdan na sa driver nga milubad na ang tingog sa binabaye ug iyang nadungog nga giablihan na ang zipper ug hinay-hinay na og abli ang pantalon sa suspek.