Kinatawo sa lalake giputol

(Napatik sa Agusto 1, 2017)

Wala pa matino ang motibo pagputol sa kinatawo sa usa ka lalaki sa Matilde Street, Barangay Carmen ning siyudad sa Cagayan de Oro. Kapungot ug kasakit ang gibati ni (bansagon gitago), 26, taga Barangay Patag ning siyudad human nawad-an sa iyang junior. Sa nahipos nga impormasiyon gikan sa kapulisan sa Police Station 4 (PS4) sa Carmen nasayran nga padayon pa nga giimbestigahar ang panghitabo tungod kay nagpaalim pa sa Northern Mindanao Medical Center (NMMC) ning siyudad ang biktima. Gikabutyag nga posibleng natug ang biktima ug giukoy sa duha ka mga wa mailang suspek ug giputlan sa pribadong parte sa lawas sa wa masayri nga hinungdan. Dali usab nga nagpakitabang ang biktima sa buhatan sa Carmen Barangay Hall hinungdan nga gidala dayon kini sa balay tambalanan ilabi na sa NMMC. Nitumaw ang taho nga gitulis kining biktima apan padayon pa kini nga gisuta sa kapulisan.