BEYONCE PALITON ANG HOUSTON ROCKETS?
Ang lumad sa Houston ug pop superstar nga si Beyonce ang nipadayag karon sa iyang tinguha nga mo- invest sa NBA team nga Houston Rockets.
Ang tag-iya sa Rockets nga si Les Alexander namahayag sa miaging buwan nga iyang ibaligya ang iyang NBA team tungod sa grabeng pagsaka sa franchise. Ang popularidad sa maong club sa China posibleng moani pa og mas taas nga presyo ug maapsan ang $2 billion record nga gibayad ni Steve Ballmer niadtong 2014 sa Los Angeles Clippers.
Ang Rockets napalit ni Alexander sa kantidad nga $85 million niadtong 1993.
Ang bana ni Beyonce nga si Jay-Z duna say 1 percent share niadto sa Brooklyn Nets.
Ang desisyon ni Alexander nga ibaligya ang team, nga naglakip sa All-Stars James Harden ug Chris Paul, nakapakurat sa NBA.