Playgirl

Dear Noy Kulas,

Ako si Jay. Ang akong suliran mahitungud sa akong lovelife.

Sa sinugdanan nga nagkauyab mi, mabdos na siya sa iyang uyab, apan gibiyaan siya tungod kay bata pa ang lalake. Ako siyang gi dawat bisan ang iyang gisabak. Unya naka- decide ko nga moari og Cebu para manimpad. Nakatrabaho ko ug nakaeskwela. Third year na ko sa Criminology.

Naabtan mig upat ka tuig, pero sa upat ka tuig namong relasyun, katulo ko niya gibinuangan. Ako pirme makasakop kay makahibawo ko og kinsay nitawag niya, mo- text niya ug ma hacked sad nako ang iyang Facebook mao nga mabasa nako tanan. Ang sakit, siya pa manguna sa iyang mga nakarelasyon. Siya pirme ang mangitag way nga magkita sila. Moadto siya sa lalake lalake. Pero gidawat nako ang tanan kay love nako kaayo siya.

Naay time niari siyag Cebu gaipon mi almost two months. Pag-uli niyag probinsya, nakahibawo na lang ko nga gabalik siya sa iyang ikatulo nga kabit. Nasakpan na pod nako kay nabasahan nako ilang mga text. Di na ko mo explain ug unsa pa nga way nga nabasahan nako ang mga text pero gidawat gihapon nako siya kay magbag-o na kuno siya.

Mao nang mahadlok ko unsaon nako ning akong problema basin mobalik na pod ni iyang bisyo nga sigeg panguyab og lain. Kahibawo pud ko nga love ko niya kay na feel man nako. Di na ko maka concentrate sa akong trabaho ug akong eskwela. Magsige na lang ko og absent mao nga mangayo ko og tambag nimo. Daghang salamat. JAY Jay,

Kanang iyang gibuhat is not a good sign baya kon akoy imong pangutan-on. Naa siyay insecurity nga ang manifestation, mosulod siya og lainlaing mga relasyon sa mga lalake. Mao nang di maayo niya nga nature tungod kay di siya kasaligan tungod nianang iyang insecurity. Apan sa akong tan-aw grabe ang imong gugma. Kon imong maaguwanta ang tanan kay taas ka og pasensya, ipadayon ang inyong relasyon.

Maka monitor ka man kaha sa iyang text messages and calls, badlunga siya. Kanang di pa ba niya mahimo ang pakigkita og lalake. Kon di siya mapitol nimo, decide na lang. Basta alang nako, lisod nang iyang nature nga kasaligan. Nakasugat na ko og sama ana niya. Gwapa kaayo, yet, sama sa imong uyab, lainlain sab ang gikarelasyon.

Huna-hunaag maayo kon worth ba siyang himuon nga asawa.