PDEA 7 AGENT ANGOL

SUBJECT SA RAID NAMUSIL NAKASIBAT, KAPUYO SIKOP

Samdan ang opisyal ug team leader sa Philippine Drug Enforcement Agency (PDEA) 7 atol sa buy-bust

operation sa Sitio Saac, Barangay Mactan, dakbayan sa Lapu-Lapu, alas 6:45 sa miaging gabii.

Ang PDEA-7 nilusad sa giilang drug pusher sa naasoy nga dapit nga si Ricky Costora human masuta sa pag- monitor sa iyang ilegal nga negosyo.

Nasayran sa Superbalita Cebu nga si Costora ug kapuyo niini nagpuyo sa Barangay Punta Egaño apan ang suspek nagkuha sa gidiling drugas sa Sitio Saac.

Sa buy-bust, ang duha nagsakay og motorsiklo atol sa transaksyon dihang giduol sa ahente sa PDEA ug gigunitan ang motorsiklo.

Nakamatikod ang subject nga awtoridad ang iyang gikatransaksiyon sa druga, nibunot kini sa iyang armas apan nasagang sa agent hinungdan nga didto kini niigo sa tiil. Si Leia Albiar, information

officer sa PDEA-7, nagdumili sa pagbutyag sa ngalan sa

team leader sa PDEA 7 alang sa seguridad.

Samtang, nakaikyas si Costora apan nadakpan ang iyang kapuyo nga si Janet Pepito, 33, taga dalan A. Lopez Extension, Barangay Calamba, siyudad sa Sugbo.

Nakuha sa mga operatiba ang usa ka pakete sa shabu nga mobalor og P5 mil.

Ang sakop sa PDEA nga samdan sa tiil naa na karon sa usa ka pribadong tambalanan nagpaalim sa samad pinusilan nga naangkon.

Dugang nasayran sa Superbalita Cebu nga street-level

pusher si Costora nga gireklamo sa barangay. /