43 SIKOP SA OPLAN LIMPYO

Kapin sa P300,000 nga kantidad sa shabu ug 43 ka mga drug personality ang nasikop atol sa managlahing operasyon sa mga awtoridad sa mga dakbayan sa Sugbo ug Danao.

Sa Danao, pinaagi sa Oplan Limpyo, niabot sa 39 ka tawo ang nasikop sa managlahing operasyon sa Barangays Tabac, Camaligbato, Masdan Maslog, Taytay, Poblacion, F. Ralota St., Olivar St., Juan Luna Extension, ug Hi-way Looc.

Nagsugod ang Oplan Limpyo, ala 1:22 sa hapon niadtong Biyernes hangtod kagahapon sa kaadlawon. Lakip sa nasikop nga drug

peddlers sila si Jenny Alerta, Jeffrey Capuno, Jovenal Buot, Jonnel Norio, Fritzel Amores, Andrew Buot diin naila nga mga bag-ong pusher.

Samtang nasikop usab sila si Jemelo Tan ug 12 ka kauban niini ug si Jeffrey Tuico ug laing 19 kabuok.

Nasakmit sa maong mga suspek ang tulo ka medium

size nga pakete sa shabu ug 168 ka gagmay nga pakete lakip na ang P5,800 nga halin.

Anaa sa P293,560 ang kantidad sa shabu nga nasakmit base sa Dangerous Drugs Board (DDB) value.

“We will put you all in jail,

just wait for your time,” matod pa sa hepe sa Danao City Police Station nga si Police Chief Insp. Gerard Ace Pelare base sa press release niini.

Samtang sa dakbayan sa Sugbo, upat usab ang nasikop sa buy-bust operation sa Canumay II, Barangay Pit-os niadtong Biyernes sa hapon.

Ang nasikop mao sila si Feliciano Babao Maitom, alyas “Jao”, 41, subject sa operasyon residente sa dapit; Armando Angcon Angana, 43; Franklin Estrada Velasquez, 30; ug Jeffrey Quiño Borres, 38. Giisip si Jao isip high value target.