Tingog sa mga estudyante

Gusto ko rin i-take up sa budget deliberations.. , pero may kongresista na nakakuha ng P5 billion, may nakakuha ng P6 billion. Individual ito na pork barrel (miaging tuiga). Ang hope lang sana, alisin na lang yung mga pork ng mga kongresista at mga senador at yun na lang yung ilaan budget para sa free tuition. - Senador Panfilo Lacson

Nakabuylo na ang Parents -Teachers Association (PTA) diha sa mga publiko ug pribadong eskwelahan . Nanumpa na sab ang mga bagong officers. Sama sa naandan aktibo ang PTA sa elementarya ug sekondarya.

Niingon ko nga nakabuylo na kay daghan nako ug nadunggan nga mga estorya labot sa amotan. Pananglit usa ka amahan nitug-an nga paamoton ang iyang anak kay para ipalit ug TV set. Akong nasabtan nga gamiton ni para sa ubang leksiyon sa mga bata gamit ang audio ug video material. Dunay naghisgut ug amotan para sa ubang proyekto para sa kaayohan uh pagpalambo sa pangutok sa mga bata.

Sa kinatibuk-an di tanang amotan pabor ang mga ginikanan. Duna say mga amotan nga angay tutukan ug maayo sa kadagkuan sa eskwelahan kay nasubrahan ra pud. Kinsa man gu'y di gusto nga mapatuman ang mga proyekto sa PTA o PTCA. Unsaon nga wa man nga sa panginabuhi apiki man sab ang ubang ginikanan. Mao ni hagit sa officers sa PTA.Ang pagbalanse ug maayo kung maghisgot na gani og amotan.

Duna koy higala nga aktibo sa kalihukan sa PTA. Akong gisugyot niya nga mangita ug paagi ang PTA ug makwartahan aron makatugom ug pundo para sa mga proyekto nga gusto nilang ipatuman.

Usa sa akong sugyot mao ang pag supply sa mga kinahabglanon sa mga bata. Pananglit ang t-shirts nga gigamit nga uniporme para sa Physical Education.

Ang jogging pants nga ipares sa T-shirts. Mahimong makigsabot ang PTA sa tagdumala sa eskwelahan nga ang PTA na maoy mo- supply. Gawas niini mahimo sab nga i-apil ang burda ug school uniform.

Miyentras tanto nga di pa mahimo sa PTA pagpundar ug mananahi mahimo mang mangita sila og supplier. Naay daghan nga mo- supply ug makahatag ug ubos nga presyo kay volume man ang order.

Kung daghan na ug pundo di na lisod nga mosud ug laing panguwarta diin makaminos ang mga ginikanan. Kay kung pulos amot o membership fee ang saligan sama ra nga kanunay lang gyud tang nigakos sa mga pamaagi sa kinaraan.

Nakadungog na ba ta ug PTA nga operator ug car pool sa usa ka pribadong eskwelahan? Kung naana mas nindot. Kung wa pa nindot sab nga ambisyonan. Basin modako og school bus na unya ang padulngan.