Bana o bisor

Dear Papa Joe,

Tawga lang ko sa ngalan nga Reena, 30 years old, taga Lapu Lapu city minyo na ug may anak name nga tulo ka buok. Akong bana naa ra sa balay human na end iyang kontrata. Nagnegusyo siya sa balay og isda nga pang aquarium. Ako ania sa Danao nag- trabaho sa usa ka factory.

Sa tinuod daghan nakagusto nako kay lagi gwapa ug sexy kuno ko nga di mailhan nga minyo ug tinuod nindot ang feeling pero di malikayan nga naa sad koy magustuhan, labi na kuyog mi ug uli sa akong mga kauban. Three times lang ko mouli sa amoa ug sa akong tiya lang ko nipuyo sa Compostela. Hangtud nga ang among supervisor sige na og pa cute nako ug angkunon ko nga nakagusto ko niya ug naka date na mi ani niya sa norte nga bahin sa sugbo pero date lang as in kaon pero hapit na gyud unta, labi na nihagad siya nako nga pabiyaan ang akong bana.

By the way di mi kasado sa akong bana ug mao ni ang nakalibug nako ron kay nagigugma na baya ko aning among bisor. Palihug tambagi ko. REENA Reena,

Sa tinuod, walay makapugong nimo legally kon mopatol ka anang bisor nimo kay di man ka kasado. Pero dako na siyang gubot nga ang maapektuhan ana imong mga anak. Tinuod nihupas ang imong gugma kay lagyo man mo sa imong ka live in minus pa nga di stable ang iyang pangwarta.

Ang pangutana, madawat ba gyud kaha sa imong bisor ang imong mga anak ug sa imong anak madawat ba sad kaha siya?

Kon may pamilya na ta mas hunahunaon nato ang pagpadagan sa atong pamilya kay sa kaugalingong kalipay. Kay kining atong pamilya extension na ni sa atong kaugalingon. PAPA JOE