PLDT MO-HOST SA ACC 2017
Nag-unang telecoms ug digital services provider PLDT mo- host na usab sa Asia’s premier telecom event, ang ACC, uban sa Silicon Valley icon Guy Kawasaki, kanhi
chief evangelist sa Apple ug trustee sa Wikimedia Foundation, isip keynote speaker, sa Shangri-La’s Mactan Resort & Spa sa Sugbo sa Septiyembre 12 ngadto sa 15, 2017.
Ang gipaabot nga telco ug technology conference kanunay puno sa mga mamumulong gikan sa nagkalainlaing dapit sa kalibotan nga batid sa natad sa telekomunikasyon, carrier business, ug technology. Ning tuiga, ang Silicon Valley venture capitalist Kawasaki, pinangiuta nga mamumulong sa international conferences, mamulong sa e ACC 2017 ubos sa tema: "Reinventing Customer Experience in the Digital Age.”
Si Kawasaki maoy chief evangelist sa Canva, online graphic design tool. Siya maoy
brand ambassador alang sa Mercedes-Benz ug executive fellow sa Haas School of Business ( UC Berkeley). Nakatapos sa Bachelor of Arts degree gikan sa Stanford University, iyang MBA gikan sa UCLA, ug honorary doctorate gikan sa Babson College.
Sa miaging tuig, ang ACC gitambongan sa kapin sa 1,300 ka delegado, gikan sa 414 ka kompaniya sa 62 ka mga nasod.
Ang ACC 2017 delegates pwede morehistro sa www. asiancarriersconference.com/ register-to-acc/ o on-site sa Shangri-La’s Mactan Resort and Spa, Cebu, Philippines sugod sa Agusto 28.