UNSAON PAGPANINDOT SA BUHOK?
Usa ang buhok sa makapaatract sa tawo hilabi na og nindot kini. Tungod sa usab-usab nga panahon, dili malikayan nga bisag unsaon kini nato og amping, ma- damage kini.
Ania’y mga tips kon unsaon nimo nga ma-glamoroso imong buhok. Kinahanglan limpyo imong buhok
Usa ni sa mga basic apan usa usab sa makalimtan. Usa sa timaan nga hugaw ang buhok kining oily ug wala gitarong pagdala, baho, diin mao kini ang giingon nga “ba hair days”. Dili makaguba sa buhok ang taga-adlaw nga paghugas niini. Ang importante maayo nga kalidad sa shampoo imong gamiton sa klase sa imong buhok.
Lahia imong shampoo ug conditioner
Bisan paman og aduna na’y “2-in-1” nga mga hair cleansing products karon nga gibaligya, apan dili kini advisable nga gamiton. Lahi ang function sa conditioner ug shampoo hinungdan nga kon 2-in-1 nga produkto imong gamiton, dili niini mahatag ang unsa ang benefit nga angay alang sa buhok.
Putli kini
Kon ganahan ka nga dali nga motaas imong buhok, putli kini. I-trim imong buhok matag unom ngadto sa walo ka semana. Gawas sa makawagtang kini sa split ends, mas mobaga usab imong buhok. Ma-maintain usab imong hairstyle.
Likayi ang magpanudlay kon basa imong buhok
Natural nga mo-brittle ang buhok kon basa. Hinaya pagsudlay ang basa nga buhok o kaha gamit og dagko nga ngipon nga sudlay. Ayaw gamit og brush o kanang sikit nga sudlay sa basa nga buhok tungod kay maputol kini o maguba ang hair strands.
Pagpatupi nga angay nimo
Usa ning style sa buhok nga bagay sa imong nawong ang gikinahanglan nimo aron mas glamoroso ka nga tanawon ingon man aron mag-attractive ka tan-awon. Mamahimo nga mokonsulta ka og hair stylist aron makuha nimo ang angay nga style sa imong buhok.