AARON CARTER BISEXUAL
Pila ka semana human siya nasikop kay nagmaneho nga nakainom, niladlad ang singer nga si Aaron Carter sa iyang pagka- bisexual.
Matod sa 29-anyos nga si Aaron sa iyang Twitter post nga dugay na niya ning sikreto ug nakapabug-at sa iyang kinabuhi, matod sa report nga gikutlo sa rappler.com.
Nagsugod siya nga parehong maibog sa lalaki ug babaye sa edad nga 13. Ug ang una kuno niyang "experience with a male," matod niya sa dihang nag-edad siya og 17.
"This doesn't bring me shame, just a weight and burden I have held onto for a long time that I would like lifted off of me. I grew up in this entertainment industry at a very young age and when I was around 13 years old I started to find boys and girls attractive," Tweet niya.
Sigon sa taho sa People, si Aaron, kinsa igsuon sa Backstreet Boys member Nick Carter, nasakpan usab nga naghupot og marijuana.