COMELEC OFFICIAL MAY TINAGOANG P1 BILLION?
Nag-atubang og dakong kontrobersiya si Commission on Elections chairperson Andres Bautista human ang iyang asawa mismo maoy nibutyag sa publiko nga naghupot kini og dulan sa P1 bilyon nga kadato nga di maisplikar.
Si Patricia Paz Bautista gikataho nga nisumiter na sa iyang affidavit sa National Bureau of Investigation (NBI) niadtong Agusto 1 nga nagsaysay sa giingong dul-an sa P1 billion ill-gotten wealth sa iyang bana.
Si Justice Vitaliano Aguirre II niingon ga nihatag na siya og mando sa NBI sa pagsusi sa pangangkon sa asawa.
Dugang sa taho nga sa wala pa mosumiter si Patricia Bautista sa iyang affidavit, kini nakakigkita na kang Presidente Rodrigo Duterte sa Malacañang.
Matod ni Patricia Bautista, iyang gisumbong sa presidente bahin sa passbooks ug ubang mga dokumento nga nagdetalye sa mga salapi nga nanulod sa pundo sa iyang bana ug ubang katbangan, lakip sa iyang mga paryente.
Base sa affidavit nga gipakita sa mga abogado sa asawa ngadto sa media sa kaulohan, ang pangulo sa Comelec ug pipila ka sakop sa pamilya dunay 35 ka Luzon Development Bank (LDB) passbooks nga mosumada ang balanse og P329,220,962.
Niini nga kantidad, si Bautista nialegar nga nagmintinar og lima ka accounts sa LDB Makati City nga moabot og P101,519,909.
Dugang pa sa asawa, kini dunay foreign currency account sa Rizal Commercial Banking Corp. (RCBC) nga nagkantidad og $12,778.30 ug laing RCBC peso account nga P257,931.60.
Ang asawa nialegar nga nadiskubre niya ang account sa iyang bana sa Hong Kong ug Shanghai Banking Corporation Limited nga nagkantidad og HK$948,358.97
Gawas pa, nanag-iya kini og condominium unit sa One Bonifacio High Street sa Bonifacio Global City (BGC) sa Taguig City ug condominium unit sa The District sa San Francisco, California.
Matod ni Bautista, kining tanan wala malakip sa Comelec chairperson's Statement of Assets, Liabilities, and Net Worth (SALN) alang sa 2016.
Nidason kini nga ang iyang bana kinahanglan nga ma- impeach tungod sa ill-gotten samtang naghupot og taas nga posisyon sa kagamhanan.
Si Bautista kanhi hepe sa Presidential Commission on Good Government (PCGG) nga mobawi sa ill-gotten wealth ni anhing President Ferdinand Marcos ug cronies, dihang wala pa gitudlong Comelec chair ni kanhi President Benigno Aquino III sa 2015.
Ang pangulo sa Comelec nihimakak sa askusasyon ug niangkon nga dugay na sila dunay problema sa pamilya.
"Matagal na po kaming may problemang mag-asawa na ngayon ay binabahiran ng pulitika," matod ni Comelec chairman nga gikutlo sa GMA News Online. "I tried to save the marriage dahil bata pa po 'yung aming mga anak. At kami po ay nag-counseling at lahat pero talagang desidido na yata talaga siyang humiwalay."