LUBONG GIKAWOT, ALAHAS GIKUHA
Dakong bangag nadiskubrehan tapad sa lubong ni Emily Howard ug ang mga awtoridad sa Kentucky nibutyag nga ang iyang apo ug mga higala miangkon nga ilang gikawot ang lubong sa paglaum nga makakuhag silag mahalong butang.
Ang mga molupyo nakabantay nga makita na ang lungon ni Howard sa sam-ang sa Stacy apan sirado hinuon kini pero gituohan sa mga imbestigador gihilabtan kini sa mga kawatan.
“When we got here they had definitely dug the grave up until the top of the vault and
everything was exposed,” matod ni Martin County Sheriff John Kirk sa WYMT News nga gikutlo sa Huffington Post.
Gilusad ang imbestigasyon hinungdan nga gisikop sa kapulisan ang apo ni Howard nga si James Howard, 33, nagpuyo sa Inez ug ang iyang higala nga si Tea Jay Luster, 26, molupyo usab sa Inez.
Ang kapulisan mitug-an nga ang duha ka mga lalake miangkon nga nalambigit sila sa krimen.
Si James Howard misulti kang Luster nga may mga mahalong butang nga gikuyog sa paglubong sa iyang apohan mga 15 ka tuig na ang nakalabay, matod sa taho sa LEX 18 News.
Usa ka sakop sa pamilya namahayag nga ang namatay nga babaye wa gilubong nga may alahas, nagkanayon ang taho sa WKYT News. Gikataho nga ang gikuyog sa paglubong sa babaye mao ang porcelain doll ug mga hulagway.
Ang laing apo ni Howard nga si George Jude nisulti sa WSAZ News nga ang pamilya wa nahimuot dihang ang kapulisan nipahibawo kaniya nga ilang paryente miangkon sa krimen.
“They had to be in a bad mindset. Anybody in their right mind I don’t think would’ve been up there digging out a
grave. They put in a lot of work. It’s crazy.”
“The distraught relative implied that drugs could be a possible motive,” nagkanayon si Jude. Ang ikatulong suspek mao si Jennifer Luster, 35, giakusahan nga maoy nagmaneho nilang James Howard ug Tea Luster paingon ug biya sa lubnganan. Silang Tea ug Jennifer gikataho nga magtiayon.
Ang tulo ka mga suspek gipasakahan na og kaso sa ilang gibuhat. /