Misaludo og pina-Nazi gidakop

Gidakop ang duha ka mga turistang Chinese human sila ni-posing alang sa hulagway diin gihimo nila ang Nazi salute gawas sa Reichstag.

Gibilanggo ang duha human ang mga pulis nakakita nga giingong nihimog “Heil Hitler” aksyon gawas sa German parliament sa Berlin alang sa ilang hulagway samtang nagbakasyon.

Ilegal nga mohimog og Hitler salute sa Germany.

Ang mga lalake nga nagedad og 36 ug 49, nakit-an sa mga pulis nga nagkuha og hulagway nga ilang gisaka ang ilang mga kamot.

Ang Germany adunay istriktong balaod sa makalagot nga pamahayag ug simbolo sa Nazi. Ang molapas niini pamultahon o mabilanggo hangtod sa tulo ka tuig.

Ang Reichstag building may kasaysayan sa pagsikat ni Hitler diin ang mga Nazi mibasol sa mga komunista dihagn naguba kini niadtong 1933. Si Hitler migamit sa sunog isip rason aron didan ang pagkagawasnon sa nasod.

Ang kapulisan may pamahayag nga ang mga turista gikwestyon sa presinto apan gibuhian kini human mihimog security deposit sa kantidad nga £450 matag usa.

Nag-atubang na ang duha ka turista og imbestigasyon. /