FYA League '17 basketball pormal na nga gisugdan

Pormal nga giablihan niadtong Dominggo ang F. Llamas Youth Association (FYA) League 2017 sa Atillo gym sa Barangay Punta Princesa, dakbayan sa Sugbo.

Walo ka mga teams ang magtigi sa maong torneyo. Kini mao ang Red520 ni Mclain Alkuino, Premier Escape Realty ni team owner Junrey Arreglo ug Allan John Abella, Boyet Cardoor Shop ni team owner Boyet Duran, Yoyis Pastries ni Ahlmark Albarracin, Micaela ni team owner Noel Medalle ug Arnel Trinidad, Trangia Sports Wear ni team owner Dodong ug Letlet Trangia, CRV ni Christian Roy Villacastin ug Duke ni team owner Jobert Barro.

Silang Punta Princesa barangay konsehal Boy Atillo ug FYA adviser Rady Abarintos maoy motabang og dumala sa lega sa mga batna-on diha sa Punta Princesa ug sa silingang mga sitio.Ang mga teams mopailawom sa single round robin.