Goodwill games alang ni coach Jake

Ang bag-ong natukod nga CAAA Basketball Alumni Association (CBAA) inabagan sa D Legend Fela mopahigayon og usa ka Goodwill Games 2017 Battle of Cebu Amateur Athletic Association (CAAA) champions karong Agusto 19 ug 20 sa Mandaue City Sports Complex. Sa Sabado sa alas 6 sa gabii, ang CCC Executives makigsangka sa CIT Wildcats samtang sa second game magtakos usab ang UV Lancers ug USJ-R Jaguars. Ang modaog maoy magsangka sa championship samtang ang mapildi ang mag-ilog alang sa third place honor nga ipahigayon sa Dominggo. Kining maong kalihukan giisip nga usa ka medical fund raising project alang sa inilang coach sa Sugbo nga si Jake Rojas kinsa anaa karon sa talandugon nga kahimtang. Ang donation sa bisan pila nga kantidad magsilbing ticket sa maong kalihukan.