DAVIDE UYON KON BRGY, SKELEKSIYONI-USWAG
Gihangop ni Gobernador Hilario Davide III ang inisyal nga kasabutan nga nakab-ot sa mayoriya sa mga magbabalaod alang sa pagsibog sa barangay ug Sangguniang Kabaaan elections ngadto na sa Mayo sa sunod tuig. Alang sa gobernador, maayo usab ang ilang nahukman nga pag-hold over lang sa kasamtangang mga opisyal sa barangay, inay nga itudlo kini.
Niadtong Lunes sa hapon, nagtigum ang mga kongresista ug matod pa, nauyunan nila nga idungan nalang ang barangay ug Sk elections sa ipahigayon nga plebisito alang sa chartger change ug sa gitinguha nga Bangsamoro Basici Law.
Kon dili kini mahinayon sa Mayo sunod tuig, hayan nga posible na usab kini nga masibog.
Nagtuo si Davide nga human sa caucus nga gihimo sa mga sakop sa ubos balay balauranan, isunod na niini ang pagsang-at og resolusyon o balaudnon alang sa maong katuyuan o kaha amendment sa kasamtangang balaod, diin gitumbok nga sa Oktobre 2017 ipahigayon ang piniliay.
Bisan og mayoriya na sa mga kongresista ang niuyon sa pagsibog sa eleksiyon ngadto na sa May 2018, dili gihapon kini mamahimong tumanon sa Comelec hangtud usab nga dunay pormal nga balaod alang niini.
Gihangop ni Davide ang inisyal nga desisyon sa mga kongresista nga hatagan ug
hold-over capacity ang kasamtangang barangay officials, subay sa pag-oktaba sa eleksiyon.
Alang sa gobernador, mas maayo kini kon itandi sa pagtudlo lang og mga bag- ong opisyal diha sa barangay.
Pipila ka higayon nang nipadayag ug pagsupak si Davide sa appointment sa barangay officials tungod usab kay base sa balaod, kinahanglan man nga pinili ang mga tawo nga molingkod diha sa konseho sa barangay.