Mag-uuma gidasig sa pagtanom og cacao

Gipahigayon sa Sugbo ang National Cacao Congress kagahapon.

Kini aron pag-agni sa ubang mag-uuma nga mananom usab og Cacao human nakita nga usa kini sa nakahatag og dakong kita sa Mindanao.

Sa Sugbo pipila na usab ka ektarya ang nasugdan na sa cacao farming.

Usa sa nakita sa gobyerno nga dakong makatabang sa mga mag-uuma mao ang cacao farming, hinungdan nga gilusad dinhi sa Central Visayas ang National Cacao Congress. Matod pa, 80 porsyento sa

cacao industry sa nasod anaa sa Mindanao area.

Tungod niini buot sa Phil. Cacao Industry Council nga matudlo sa ubang lugar sa nasod, ilabi na sa Central Visayas, kon unsa pag-ugmad ang cacao.

Ang maong congress nga gitambungan sa mga mag-uuma, cacao o chocolate enthusiast lukop nasod. Gitudlo ngadto kanila ang mga pamaagi alang sa saktong pagpananom ug pag-amuma niini, hangtod sa pagproseso nini aron mahimong tablea o alang sa pang- export na chocolate. Matod ni Valente Turtur, ang chairperson sa cacao industry council, nga dako gyud ang kitaon sa cacao farming.

Si Senador Cynthia Villar, kinsa maoy speaker sa maong

congress, mipasalig nga mopalabang siya og balaudnon, aron kahatagan og dugang pundo ang cacao ug coffee bean farmer.

Ang baludnon tawgon og coffee and cacao development law.

Gitug-an ni Turtur nga sa pag sugod nila niadtong 2007, aduna lang sila kapin 8,000 ka ektarya, hangtod nga niabot na kini karon og dul-an sa 30,000.

Moabot na usab sa 23,000 ka ektarya nga luna sa tibuok nasod ang natamnan sa cacao, diin kapin sa 1,000, anaa usab sa Sugbo.