Val Chiong mipasabot sa konseho, mga kapitan
Kanhi mayor Valdemar Chiong sa dakbayan sa Naga npasabot atubangan sa konseho, mga barangay kapitan, ug department heads nga dili pa hingpit ang desisyon sa Ombudsman nga dili na kaniya nga makadagan sa bisan unsay posisyon sa gobiyerno.
Si Chiong miingon nga andam niyang paabton ngadto sa Korte Suprema ang maong kaso sanglit siya nagtuo nga nadamay lang siya sa away sa duha ka mga dagkong kompaniya ug wala siyay nahimong sayop.
Una niini si Mayor Chiong mag-atubang og kaso ngadto sa Sandiganbayan tungod sa giingong irregular nga pagisyu og conditional business permits sa Liquefied Petroleum Gas (LPG) plant sa Barangay Langtad niadtong 2014.
Human usab ang laing kompaniya sa Liquefied Petroleum Gas ( LPG) nga nakabase gihapon sa Naga mikuwestyon sa maong permit nga gi-isyu sa mayor bisan og way Fire Safety Inspection Certificate tungod sa giingong kalapasan nga nahimo sa Petronas.
Apan bisan pa niini si Chiong niisyu og conditional permit nga gitugot usab sa balaod samtang wala pa maresulbar ang maong nga anaa na sa ulohang buhatan sa Bureau of fire Protection.
Si Ombudsman Conchita Carpio Morales miingon nga adunaysilay nakitang kalapasan nga nahimo ang mayor Section 3(e) of Republic Act 3019, or the Anti-Graft and Corrupt Practices Act.
Kagahapon sa buntag si kanhi Mayor Chiong miatubang mga kapitan, mga department heads ug mga sakop sa konseho aron pasabton kini sa tinuod nga panghitabo ug mao na usab unya kini ang mopasabot sa mga tawo.
Si Chiong miingon nga adunay siyay obligasyon sa pagpasabot ngadto sa mga tawo kinsa nisalign kaniya nga iyang naserbisyon sulod sa siyam ka tuig isip mayor.
“Lain man gud paminawon nga graft and corruption morag nakawat tag kuwarta tungod ra gyud intawn nia sa atong pag-isyug business permit,” matod ni Mayor Chiong.
Si Chiong nagmahay sa BFP nga naghunaw ug gibyaan na siya human usab nga aduna na siyay kaso nga giatubang nga ang iyang pag-isyu ug permit base man sa ilang giisyu usab nga FSIC kaniadto.
Apan sa dihang aduna nay nikuwestyon sa ilang permit wala na usab sila mo-isyu hinungdan nga mihatag siyag conditional business permit hangtod maresulbar ang isyu.
Gipasabot sa kanhi mayor nga mihatag siyag conditional permit aron usab pagpakita nga andam silang motabang niadtong mga magpapatigayon nga gustong mobubo og pohunan diha sa ilang siyudad nga gani nagbayad ang Petronas sa Naga matag tuig og P6 milyones.
Si Chiong niingon nga wala pa mahuman ang maong kaso tungod kay moduso man silag motion for reconsideration ug iya kining kombatihon hangtod sa korte suprema.
Hinuon, wala usab maguol ang kanhi mayor kon dili na siya makahupot og posesyon sa goberno tungod kay maayo na man usab ang pagdumala sa iyang anak nga si Mayor Khristine Chiong.
Sa pagkakaron, si Mayor Kristine Chiong mi-isyu nag business permit sa Petronas human usab ang Bureau of Fire Protection mihatag nag FSIC human nakorehian na sa Petronas ang gikuwestyon kaniadto sa ilang kompentensya nga kompaniya.