Belga andam mobalhin
Si Beau Belga na kaha ang sunod nga matangtang sa Rain or Shine Elasto Painters?
Mitumaw kining pangutanaha human sa sunodsunod nga pag- trade sa Elasto Painters sa ilang mga sinaligan nga naumol sa panahon dihang si coach Yeng Guiao pa ang naggiya sa team sa Philippine Basketball Association (PBA).
Sa kasamtangan, si Belga usa sa tulo na lang ka mga sakop sa Elasto Painters nga naghimo’g langas sa nangaging katuigan. Ang laing duha mao sila si Gabe Norwood ug Ronnie Matias.
Daw wala’y makaipsot sa pagpanangtang sa Elasto Painters og magduduwa ning panahuna nga hasta sila si JR Quiñahan ug Paul Lee nabalhin na sa laing team.
Ning bag-uhay lang, si Jeff Chan gibuhian sab sa Elasto Painters aron i- trade sa Phoenix Suns. Si Chan nakugang sa desisyon sa Elasto Painters.
Apan alang kang Belga, andam siyang modawat kon makadesisyon ang Elasto Painters nga i- trade sab siya sa laing team.
“Wala ka namang magagawa eh, decision ng management yun,” matod ni Belga sa interbyu sa SPIN.ph.
“And ganun naman ang buhay namin – hindi mo alam kung hangganag kailan ka, hindi mo alam kung hanggang saan kayo magkakasama. I’ve been with Jeff for six, seven years. Ganun talaga.”
Ning puntoha, wala’y nasayod kon unsa’y sunod nga lakang sa team management ug ni coach Caloy Garcia, kinsa
maoy mihulip kang Guiao.
Si Guiao, kinsa mao na’y naggiya sa NLEX Road Warriors, emusyonal kabahin sa nahitabo sa iyang kanhi ginsakupan. “Kumbaga pamilya na niya na binuo ‘to eh,” batbat ni Belga kabahin kang Guiao.”
Sa pangutana kon andam ba siyang moduwa sa Elasto Painters hangtod sa iyang pagretiro, si Belga wala mohatag og klarong tubag.
“Tulad nga ng sabi ni Jeff, naging loyal naman siya sa team, but still umabot pa rin siya sa part na nawala siya bigla – of all people, ‘di ba? So hindi mo talaga alam.”
Giangkon ni Belga nga aduna siya’y nadunggan nga mga hugonhugon nga siya na ang sunod nga i- trade sa Elasto Painters.