TINUN-AN NAKUHAAG P12 M SHABU
UBAN SA HELPER; TIBUOK SUGBO ILANG BALIGYAANAN: PULIS
Estudyante sa pagkamaestra gipusasan uban sa usa ka katabang nga kakunsabo human nakuhaag kapin sa P12 milyunes nga balor sa drugas atol sa buy bust operation niadtong Miyerkulis sa alas 10:00 sa gabii sa may Sitio Manga, Brgy. Tisa dakbayan, sa Sugbo.
Mga suspek mao sila si Mheacy Empasis, 23, alias Zhaiie, naa sa 3rd year sa Education, dunay kapuyo. uban ang kakunsabong si Trinidad Lumactad, alias Trining, 46,
Nakasikop kanila mao ang mga sakop sa City Intelligence Branch (CIB) ug City Drugs Enforcement UniTS (CDEU) pinangulohan nila ni Chief Insp. Christhopher Navida, ug Sr. Insp. Narolf Tan sa Cebu City Police Office.
Nakuha gikan nila ni Empasis ug Lumactad nakuhaag 1,075 nga gramos kun 1.075 kilo sa shabu nga mobalor og P12.685 milyunes.
si Navida nibutyag nga sila Empasis ug Lumactad duha ka buwan nilang gi-monitor.
Mga high value target kini kay maka-dispose og 500 gramos kapin matag simana.
Matod niya nga kontak ni Empasis sa Cebu City Jail mao ang iyang kapuyo nga si Layme Parba, kinsa nadakpan niadtong Hulyo ning tuiga.
Si Navida nibutyag nga gikan sa National Bilibid Prisons ang drugas nga nakuha nila ni Empasis.
Dunay mokontak ug motext nila nga kuhaon o ipakuha ang kinilong drugas.
Sa ilang imbestigasyon nasuta nga dugay na nga nag-operate sa drugas si Parba, pero wa mosibaw ang ngalan niini apan dihang nadakpan, si Empasis maoy nipadayon.
Ang ilang baligyaanan ang tibuok Sugbo.
Si Navida niingon nga si Empasis di mobaligya og di binulto hinungdan nga mipalit silag P7,000 nga balor sa drugas.
Wa na hatagig igong gibugaton ni Navida ang pamahayag ni Empasis nga di iyaha ang drugas ingon man ang pangangkon ni Trinidad nga nagbantay kinig bata sanglit ang duha ka kunsabo sa pagpamaligyag drugas.
Si Empasis nga nahinahi sa Superbalita Cebu hugtanong nanghimakak sa pasangil batok kaniya.
Siya nibutyag nga bisan wa siyay trabaho ug dunay mga gagmayng anak, ang iyang income pinadala sa iyang amahan nga Amerikano. /