FLOYD MIBAHAD

Gibutyag ni Floyd Mayweather Jr. nga iyaha nang natun-an ang angayan niyang matun-an sa pagpakigbatok kang Conor McGregor ug misaad nga dili makahuman sa ilang away ang mixed martial arts ( MMA) superstar karong Agusto 26 sa Las Vegas, USA.

Ang duha ka fighters pareho nang mibahad og knockout nga kadaugan sa ilang panagharong ibabaw sa boxing ring.

“Expect excitement. He’s gonna talk trash, I’m gonna talk trash, there’s gonna be a lot of

blood, sweat and tears,” batbat ni Mayweather atol sa media conference kagahapon sa Las Vegas.

Gipasabot ni Mayweather, usa ka boxing icon, nga ang tanan iyaha nang giestudyohanb kabahin kang McGregor.

“It’s about doing your homework. It’s not really watching fight tapes, it’s about knowing the person you’re facing across the ring from you. You want to know what they like to eat, what they’re doing when they’re not in camp,” pasabot sa 40 anyos nga si Mayweather.

“That’s called really doing your due dilligence, doing your homework on your opponent.”

Gibaliwala sab ni Mayweather ang pagtuo sa uban nga posibleng makahatag kaniya og problema ang walhon nga si McGregor, kinsa moaway sa labing unang higayon isip usa ka boksidor.

“He’s looking forward to getting out there and ending the fight early. I’m looking forward to going out there and ending the fight early. It won’t go the distance,” pasalig ni Mayweather.