VICE GANDA NAG-SORRY KANG TONY CALVENTO

Mipadangat sa iyang public apology ang comedian – TV host Vice Ganda ngadto sa broadcast journalist Tony Calvento human nga mihulga ang na-uwahi nga mosang-at og kasong sibil batok sa “It’s Showtime” ug kasong kriminal batok ni Vice.

Gipaagi sa suwat ang pagpangayo og pasaylo sa komedyante nga gibasa ni Billy Crawford, co-host sa “It's Showtime” atol sa ‘Tawag ng Tanghalan' (TNT) segment niadtong Sabado.

Nagsugod ang maong kasungian atol sa August 11 episode sa TNT diin gi-interview ni Vice ang semi-finalist nga si John Mark Saga ug gitambagan ang maong contestant sa dihang wa siya mopakita sa iyang hitsura sa higayon nga mag-upload sa iyang mga kanta online sa kabalaka nga i-bash siya sa netizen.

“Never be ashamed of your face. Yang mukha mo, ikaw 'yan at maraming pagdadalhan ang mukhang 'yan.

“That is a gift... your face. Kahit gaano kalaki 'yan, kahit kamukha mo si Tony Calvento, mukha mo 'yan kaya dapat proud

ka,” tambag ni Vice ngadto ni Saga.

Apan wa mahimuot si Calvento sa maong komedya og

nagkanayon: “Just because you're a famous host you can make fun of anyone.”

Si Vice sa iyang bahin nipasabot nga wa siyay intensyon nga makapasakit og tawo diin igo lang siya mihatag og tambag sa ilang contestant nga iyang gihulagway nga adunay ‘insecurity' sa iyang hitsura.

“Again, my sincerest apologies to Tony Calvento.

“Malaki po ang respeto ko sa inyo bilang isang journalist, kaibigan, at kapamilya,” tipik sa letter of apology ni Vice Ganda. / PEP.ph