1 Jail guard patay sa buy bust

BASEY, SAMAR - Patay ang usa ka jail guard human giingong misukol sa kapulisan sa gihimong buy bust operation. Giila kini nga si Aristotle Fernandez, alyas Tutol, 43, nadestino sa Basey Sub Provincial Jail ug nalista nga high value target. Ang kapulisan sa Provincial Drug Enforcement Unit ug Municipal Drug Enforcement Team ang mipahigayon sa operasyon. Ang suspek nakabantay nga pulis iyang katransaksyon busa mibunot kini sa iyang pistola ug misukol sa kapulisan busa napatay kini. Narekober sa kapulisan ang pipila ka pakite sa gituhoang shabu ug salapi.