12 indie films sa Pista ng Pelikulang Pilipino

Magsugod na ugma ang "Pista ng Pelikulang Pilipino," diin 12 ka indie films ang exclusive ninyong makita sa tanang mga sinehan gikan Agusto 16 hangtod Agusto 22.

Exclusive kay wala may laing ipasalida kon di puros ra gyud mga entry sa Pista ng Pelikulang Pilipino. Una ning higayon nga dunay ingon aning kapistahan sa mga indie sa mga sinehan nga giorganisar ubos sa pag-abag sa Film Development Council.

Di ba sa miaging Metro Manila Film Festival, mga indie film man sad ang naghari pero ang nahitabo maorag naalkansi og tunga sa bilyon ang MMFF kay nikunhod kuno ang mga nanan-aw. Mao na karong December, balik sa

mainstream o commercial films ang MMFF, sama sa mga pelikula nilang Vice Ganda ug Vic Sotto nga maoy kusog sa masa.

Sanglit siguradong maapektuhan ani ang industriya sa indie maong gihatagan sad sila karon og ilahang kaugalingong festival ug mao ni ang Pista ng Pelikulang Pilipino.

Ang mga entry sa Pista ng Pelikulang Pilipino kumbinasyon sa mga bag-o ug recycled favorites sa miaging mga festival. Ug ang mosunod mao ang 12 ka indie films nga inyong makita sugod ugma nga dunay lain-laing genre apan puros naghubit og maanindot nga sugilanon sa kinabuhi -

1. 100 Tula Para kay Stela (Starring: JC Santos, Bela Padilla)

2. Ang Manananggal sa Unit 23B (Starring: Ryza Cenon, Martin del Rosario)

3. AWOL (Gerald Anderson. Directed by Enzo Williams)

4. Bar Boys (Rocco Nacino, Carlo Aquino, Enzo Pineda, Kean Cipriano. Directed by Kip Oebanda)

5. Birdshot ( John Arcilla. Directed by Mikhael Red)

6. Hamog (Zaijan Jaranilla. Directed by Ralston Jaview)

7. Paglipay (Gerry Cabalic. Directed by Zig Dulay)

8. Patay na si Hesus ( Jaclyn Jose, Chai Fonacier, Meldie Montanez. Directed by Victor Villanueva)

9. Pauwi Na (Bembol Roco, Cherry Pie Picache, Meryll Soriano, Jerald Napoles. Directed by Paolo Villaluna)

10. Salvage ( Jessy Mendiola, JC de Vera Directed by Sherad Sanchez) 11. Star na si Van Damme (Candy Pangilinan. Directed by Randolph Longjas 12. Triotiko (Albie Casiño, Joseph Marco, Kean Cipriano, Kylie Padilla. Directed by Miguel Franco Michelena)

AWA NG TANGHALAN

Puros lalaki ang unang nakasud sa grand finals sa Tawag ng Tanghalan sa It’s Showtime.

Sa miagi nilang grand finals, ang top 3 puros sad lalaki (Noven, Sam, Froilan) nga kadaghang maayo sa ilang mga babaye (Pauline, Marielle, Eumee, Rachelle, Gidget…).

Mao bitaw tong American Idol sa una gisaway kay sagad modaug sa ilang contest puros sad lalaki. Unsaon sagad sa fans mga babaye man ug mao say kugihan sa text votes.

Ug kinsa tong luoy og estorya maorag maoy ilang paboran. Mao! Awa ng Tanghalan na na!