Well, that was just a lie
Panagsa na lang mi magkita si Jude. Aw, tua na man siya sa seminaryo ug ako nag- concentrate na sab sa akong studies. Nalipay ko, uy, kay nag-eskuwela na ko sa
college. Very challenging gyud ning naa na ta sa college kay lisod man gyud, ug lain-lain sab ang mga propesor every subject. Kinahanglang magtuon gyud. Daghan na sb kog gikaila ug nahimong friends.
Hangtod nga gikaila ko si Jimbo. Tall, dark and handsome siya. Very attracted sa mga girls ang iyang bayhon. Aw, nakagusto dayon ko niya, uy. Nindot pa gyud siyag mga mata, morag katulgon kanunay ug duna pa gyuy
dimples sa isig ka aping niya. Duna pa gyud siyay awto.
Student permit pa lang ang iyang gigamit kay wa pa man siya sa hustong edad aron makalukat og propesyonal nga lisensiya sa pagka dryaber. Nasuod gyud nako siya kay estoryador man ug di sab
boring ikasulti kay joker man. Makapawala sa kalaay kon moestorya na siya. Usahay iya kong ihatod sa among balay inig pauli namo human sa among klase. Mouban sab ko niyag pangaon sa gawas kon imbetaron ko niya.
Ambot ba sab, uy, nga bisag bag-o pa ming nagkaila gaan na man ang buot ko niya. Mao gyud tingali ni ang bation sa usa ka binuhat nga na- in-love. Magteksanay sab mi sa di pa matulog inig kagabii. Hangtod nga gipangulitawhan ko niya.
“Sure ka ba gyud anang imong feeling nako, Jim?”
Mihunong ko pagkaon. Miinom ko sa drinks sa akong baso. Nag- lunch mi niadtong tungora sa usa ka restawran sa uptown. Sunday niadtong adlawa ug gikan ming nanimba sa Katedral.
“Sure gyud kaayo ko, Susette. First time pa kong na- inlove, uy.” “Na, ayaw na lang pag-ingon ana, Jimbo. Anang imong hitsura, wa kaha kay uyab?”
Gingisloan ko si Jimbo. Apan sa tinuod lang, kasugtunon na ko niya. Apan nagpugong lang una ko sa akong kaugalingon. Abi pa lang humok kog ilong?
Nagpakipot sab ko, uy. “Bitaw, Susette. Karon pa gyud ko makagustog girl.”
After one week, gisugot ko na si Jimbo. Misamot ang pagpakigsuod ko niya. Usahay mag- joy riding mi ug kasagaran adto mi sa Busay. (SUMPAYAN)