TAMBAGI KO, NOY KULAS
Fake
Dear Noy Kulas,
Maayong adlaw kanimo ug sa tanang avid readers sa Super B! Ako si Mayang, 31 ang panuigon. Kini nga problema di ni tungod nako kun dili sa akoang suod nga amiga.
Taas kaayo siya og pangandoy nga maminyo og foreigner. Nakakita siya og uyab nga foreigner ug dad-on siya sa abroad. Sa iyang pagkuha og passport, siya nigamit og fake nga baptismal certificate para I- pass sa Department of Foreign Affairs para makakuha siya og passport. Ang original name sa iyang mother nga naa sa baptismal iyang giilisan og lain nga name iyang iyang gipareho sa iyang birth certificate kay wa siyay birth nga late registered. Unya di pa mao ang name sa iyang mother kay nagkaaway sila sa iyang mama ato nga time. Nigamit siya og lain nga name sa inahan. Unya ang iya ra pud gidala nga name of mother sa birth certificate kay iyang iyaan. So, nag coincide na ang baptismal ug birth niya. To make the long story short, naminyo siya ug foreigner ug nakalarga siya.
Ang akoang pangutana, Noy, kon pananglitan mangusog ang iyang original mother nga fake ang uban niyang papers ngadto sa DFA, ma deport ba siya? Kon pananglitan ma deport, pwede ba siyang makasuhan sa DFA? Unsa pud kaha nga kaso? Kana lamang, Noy. Daghang salamat. MAYANG
Mayang,
Legal ni ang imong mga pangutana. Apan kay involved ni og government agency, komplikado ang tubag. Hinuon, dunay usa nga klaro kaayo, nang- falsify siya og dokumento aron pagkuha og passport. Apan wa ni magpasabot nga diha-diha siya ma- deport kay magdepende usab kini sa nasod nga iyang giadto, kon unsa ang ilang polisiya didto. Kana kon pahibaw-on usab ang DFA parte kaniya aron makahimo og lakang.
Tingali ang tawo nga mohimo niini mao lang kadtong nasuya sa iyaha. Kadtong mga tawo nga gusto nga mobitad kaniya paubos. Alang nako, di na angay pang himuon nga isyu ang pagpeke niya og dokumento aron makakuhag passport and eventually nakagawas. Wa man sab siya manghasol ug mangguba og kinabuhi sa tawo. Iya tong nabuhat sa iyang desire nga makaadto sa gawas.
Sa ako nang giingon, dugay ang proseso kon duna may manghilabot niya. Di dali. Mas maayo pang pasagdan na lang kini.
NOY KULAS