Bata Reyes, Bustamante makapataas sa moral ni Centeno sa SEA Games
Gitugyanan sa Philippine billiards officials ang tangan nga mga bilyarista nga sila si Efren “Bata” Reyes ug Francisco “Django” Bustamante sa paghatag og dugang moral sa sumosulbong nga si Cheska Centeno sa kampanya niini sa umaabot nga Southeast Asian Games sa Kuala Lumpur, Malaysia.
Ang 18 anyos nga bilyarista gikan sa Zamboanga City nakasinati og masakit nga kapakyasan sa World Games sa Poland sa miaging buwan sa iyang preperasyon alang sa iyang tinguha nga madepensaan ang SEA Games women’s 9-ball title.
Sa Poland, wala’y nakuhang medalya si Centeno human kini nalupig ni Han Yu, 3-9, sa inilugay sa bronze medal.
Gipaneguro nila ni Reyes ug Bustamante nga makatambong sa kasaulogan sa adlawng natawhan ni Centeno niadtong Hunyo 30 sa pagbalik niini gikan sa Poland aron isaka og balik ang moral ni Centeno. Nagpahigayon sab og team
building ang magkumpare kauban si Centeno.
“Nanghihinayang sila kay Cheska. Actually, nakalamang pa sya ng 7-5 sa Chinese
na kalaban nya sa semis pero
kinapos sa bandang huli,” matod ni Billiard Sports Confederation of the Philippines (BSCP) secretary general Robert Mananquil sa interbyu sa Spin.ph.
“The veterans, Bata and Django, do not want it to happen again in the SEA Games. Kaya habang maaga pa, nagopen forum na sila at tinuruan nila ng maturity si Cheska kasi alam nila na malaki ang potential ng bata na manalo ng ginto.”
Sa World Games, ang Pinoy nga si Carlo Biado nakalabni og gold medal ug gilaumang magpadayon ang dominasyon niini sa SEA Games. Ang ubang bilayristang mga Pinoy nga modumbol sa SEA Games mao sila si kanhi Asian juniors champion Johann Cua, Warren Kiamco, Dennis Orcollo, Rubilen Amit, Francisco Dela Cruz ug hasta si Reyes.