Leksiyon sa Uber
Niadtong una, sama nga ang Land Transportation and Franchising Board (LTFRB) nigawas nga kontrabida sa "pagpugong" sa accreditation sa transport network company (TNC) nga nahimong popular sa mga susamakay tungod sa maayong serbisyo ug komportable tungod sa mga bagong units. Nigawas nga maayong alternatibong panginabuhian sa mga nanag-iya og pribadong sakyanan ug niini, kaminosan ang mga sakyanan sa kadalanan nga nag-inusara lang ang nagsakay.
Samtang nagkainit ang isyu tali sa TNCs, Uber ug Grab, ug LTFRB nilugdang usab ang kamatuoran: sakto ang gihimo sa ahensiya sa kagamhanan nga nagkontrolar sa gidaghanon sa sakyanan sa kadalanan lakip sa responsilidad sa transportasyon alang sa kasegurohan sa pasahero. Ang operasyon takos ipasubay sa balaud bisan napamatud-an na sa ubang nasod.
Tataw nga nabag-ohan ang LTFRB sa TNC human walay tino nga balaud nga mohaum niini. Naobserbahan nga kini gipahimuslan sa mga kompaniya sa TNC. Apan niapas ang LTFRB tungod sa usab sa reklamo sa ubang sektor sa transportasyon busa naaghat ang aksiyon. Hulga usab nga ang TNS makontrolar sa pipila ka adunahang operators sama sa taxi.
Samtang ang LTFRB nagtuki kon unsay angay buhaton, nimando una sa Uber ug Grab sa paghunong pagpangdawat og aplikasyon. Apan Uber giingong nagpadayon og dawat og sakop. Hinuon, ang nasudnong buhatan sa Uber nihimakak niini apan ang LTFRB wa motuo ug dunay laing tinubdan sa taho. Ang LTFRB nihatag og leksiyon sa Uber. "The Board meted out the penalty of one-month suspension on the accreditation of Uber System Inc. and ordered it to cease and desist its operation of the online booking application during the period of suspension," tipik sa mando sa LTFRB .
Makaluluoy niini mao ang yanong drayber nga nahinayak labi na kadtong dunay binuwang bayranan sa sakayanan. Asa ang hustisya? Basin ang korte dunay tubag sa kalibog.