CCMC magamit na sa Disyembre

Magamit na sa Cebu City Medical Center (CCMC) ang ilang unang lima sa 10 ka andana nga edepisyo karong Disyembre.

Si Kenneth Siasar, administrator sa CCMC, nagkanayon nga 70 porsiyento nang nahuman ang P1.3 bilyones nga tambalanan ug subay sa ilang target, magamit na ang katunga niini sa hinapos niining tuiga.

Apan iyang gipadayag nga ang tanan nilang plano magdepende kon unsa ka paspas ang ilang transaksyon sa Department of Health (DOH) kinsa maoy mohatag og akreditasyon sa hospital.

Matod ni Siasar nga tinguha nilang mahatagan og akreditasyon sa DOH, diin ilang target nga makuha ang level III accreditation.

Si Siasar nibutyag nga adunay P100 milyones nga gitagana aron ipamalit og kahimanan sa bag-ong tambalanan.