Asawa di makatestigo batok sa bana?
Nagbansiwag sa mga pamantalaan ang panag-away tali ni Commission on Elections (Comelec) Chairman Andres Bautista ug sa iyang kapikas sa kinabuhi nga si Patricia. Apan di lang kini yano nga away tali sa magtiayon.
Way labot ang lungsod sa away intra-pamilya, apan naglakip kini sa akusasyon sa iyang asawa nga dunay mokabat sa usa ka bilyon ka pesos nga wa ideklarar ni Bautista sa iyang statement of assets and liabilities and net worth (SALN). Sa mga kaso nga ingon niini, makatestigo ba ang asawa batok sa iyang bana?
Ang Sec. 22, Rule 130, Rules of Court, nagkanayon, “During their marriage, neither the husband nor the wife may testify for or against the other without the consent of the affected spouse, except in a civil case by one against the other, or in a criminal case for a crime committed by one against the other or the latter's direct descendants or ascendants.”
Ang general rule mao nga ang magtiayon atol sa ilang kaminyuon di makatestigo batok sa kapikas kon way pagtugot sa maong apektado nga kapikas. Gitawag kini nga
"spouses immunity" o “marital disqualification rule.”
Ang katarungan nga nagpaluyo niini mao nga managsama da ang interest tali sa bana ug asawa ug kon motestigo ang usa batok sa kapikas, hayan nga mamakak.
Gipanalipdan sa balaod ang seguridad ug mga sekreto sa pribadong kinabuhi bisan pag usahay mosangpot sa kapakyas sa hustisya aron mapugngan ang pagkabungkag sa pamilya ug kagul-anan.
Apan kon nagkagubot na ang pamilya, wa nay kahusya ug kalinaw, motumaw sab ang posibilidad nga masilotan ang usa ka kapikas pinaagi sa masuk-anon nga testimoniya sa laing kapikas. (Alvarez vs. Ramirez, G.R. No. 143439, October 14, 2005)
Apan sumala sa maong lagda sa balaod, ang usa ka kapikas mahimong motestigo batok sa laing kapikas sa usa ka kasong sibil batok sa usag-usa, sa usa ka kasong kriminal nga nahimo sa usa ka kapikas
batok sa iyang kapikas o sa iyang direct descendants or ascendants, sa ato pa anak ug apo o amahan ug apohan, ug kon gihimo kini sa gawas na sa kaminyuon.
Sa usa ka kaso ang Korte
Suprema, niingon, “When the marital relations are so strained, there is no more consideration for applying the said rule. To apply the exception there must be an offense that directly attacks, or directly and vitally impairs, the conjugal relations. (Ordoño v. Daquigan)
Ang general rule mao nga ang magtiayon atol sa ilang kaminyuon di makatestigo batok sa kapikas kon way pagtugot sa maong apektado nga kapikas. Gitawag kini nga "spouses immunity" o “marital disqualification rule.”