Cotto masaligon batok Kamegai

Makigharong si Puerto Rican Miguel Cotto kang Yoshihiro “El Maestrito” Kamegai karong Agusto 26 alang sa inilugay sa World Boxing Organization (WBO) junior middleweight title sa Carson, California.

Ning awaya, tinguhaon ni Cotto ang iyang ikaunom nga world title sa upat ka weight divisions.

Si Cotto, kinsa maoy katapusang gipaundang ni Filipino boxing legend Manny Pacquiao niadtong 2009, naggunit og 405, 33KOs nga rekord samtang si Kamegai adunay 37-3-2, 24KOs nga baraha.

Kini maoy labing unang away ni Cotto gikan sa duha ka mga tuig nga pagpakahilom.

Apan bisan pa niini, gipasabot ni Cotto nga andam ug masaligon siyang molampos.

“I have proved my whole career that I have been ready for anyone. I am a good boxer and I have no doubt that I can match anyone,” matod ni Cotto sa interbyu sa www.boxingscene.com.

“As I look at my career, I have no regrets, everything has worked out and I am proud of the legacy I have built.”

Gipasabot ni Cotto nga ning puntoha, si Kamegai maoy labing maayo niyang kontra gumikan sa agresibong estilo niini.

"He is a warrior in the ring," paghulagway ni Cotto kang Kamegai.

Gipasabot ni Cotto nga dihang nangita siya og kontra alang sa iyang pagbalik, si Kamegai mao dayon ang naa sa iyang hunahuna.