Mandaue mihatag og P100K sa Ormoc

Kagamhanan sa dakbayan sa Mandaue nitunol og P100,000 financial assistance sa dakbayan sa Ormoc diin naigo sa kusog nga linog sa miaging buwan.

Gawas sa cheke, uban sa giturn-over sa kagamhanan sa dakbayan ang usa ka truck nga puno sa pagkaon, tubig, ug ubang mga gamit alang sa mga biktima sa linog.

Sila si Bise Mayor Carlo Fortuna, Konsehal Cynthia Remedio, Konsehal Raul Kevin Cabahug ug Jessie Perez, pangulo sa City Social Welfare and Services (CSWS) ang nangulo sa delegasyon sa pag- turn-over sa hinabang sa Ormoc kagahapon.

Ang nidawat sa hinabang mao mga konsehal sa dakbayan sa Ormoc nga sila si Bennet Pongos, Mario "Mayong" Rodriguez, Vincent Rama, ug Benjamin Pongos.

Sa dihang nahinabi sa Superbalita Cebu, si Perez niingon nga ang mga pagkaon ug gamit nga ilang gidala, gi- turn

over nila sa Brgy. Luna, sa dakbayan kagahapon.

Si Perez nagkanayon nga ang mga pagkaon ug gamit mao ang nadawat nga regalo ni Mayor Luigi Quisumbing sa dihang nagsaulog kini sa adlawng natawhan sa milabayng buwan.

Kahinumduman nga si Quisumbing nihangyo sa iyang mga higala nga imbes mohatag niya ug regalo, mga pagkaon, tubig ug gamit lang ang iyang pangayuon alang sa mga biktima sa maong kalamidad.