Shabu bayad sa palabada

(Napatik sa Agusto 10, 2017)

Usa ka labandera ang lakip nga nasikop atol sa drug operation sa kapulisan sa Barra, Macabalan ning siyudad sa Cagayan de Oro. Target sa operasyon si Denise Moana Salomson alyas Yumi, 23, dalaga, magpuyo sa dapit kinsa tigpayuhot sa ilegal nga drugas ug anaa sa pusher nga kategorya. Naatlan sa operasyon nga nag-pot session si Bona Emboy, 50, taga Parola, Macabalan ug labandera ni Salomson. Lakip usa nga nasikop sila si Eduardo Salvane Dela Vega, 29, taga Macanhan, Carmen; Romulo Cabanigan Sarno, 25, ulitawo, taga Barangay Macabalan; Ronnie Lubia Nacalaban, 22, taga Barra, Macabalan; ug laing 15 anyos nga lalaki ug giingong runner sa suspek. / Kris C. Sialana